Entwodiksyon jeneral Lekòl MOUN Ayiti an ki se Mouvement d’Occultisme Unifié Néo-spirituel d’Ayiti.

“Eksplore tèt ou. Chèche divinite a nan kote ki pi pwofon andedan w, epi w ap dekouvri sekrè linivè a ak mistè diven yo!”

“Espirityalite se yon mòd lavi, yon fason pèsonèl pou apwoche lavi chak jou selon sa ou santi andedan w ak lanati.” 

Papa Da

Fòmasyon espirityèl sa a, ki sòti nan Lekòl MOUN Ayiti – Mouvement d’Occultisme Unifié Néo-spirituel (MOUN) d’Ayiti, se yon èd enpòtan pou tout moun ki vle leve nivo konsyans yo epi prepare tèt yo pou transfòmasyon mond lan k ap fèt kounye a.

Nan yon epòk kote limanite ap travèse anpil boulvèsman, anpil moun santi yo bezwen yon limyè ki pi wo pase sa je ka wè pou ede yo konprann lavi, kenbe ekilib yo, epi jwenn direksyon devan defi chak jou yo. Devan laperèz, dout, chòk, kesyon ak enkyetid ki peze sou lespri moun, gen yon apèl enteryè ki toujou ap mande repons:

Nan yon epòk kote limanite ap travèse anpil boulvèsman, anpil moun santi yo bezwen yon limyè ki pi wo pase sa je ka wè pou ede yo konprann lavi, kenbe ekilib yo, epi jwenn direksyon devan defi chak jou yo. Dèyè laperèz, dout, chòk, kesyon ak enkyetid ki peze sou lespri moun, gen yon apèl enteryè ki toujou ap mande repons:

• Ki rezon prezans mwen sou tè a?
• Ki jan mwen ka viv ak plis amoni ak moun ki bò kote mwen yo?
• Ki chimen ki ka mennen mwen nan yon pi gwo elevasyon espirityèl?

Se nan dinamik rechèch sa yo Lekòl MOUN Ayiti — Mouvement d’Occultisme Unifié Néo-Spirituel d’Ayiti ouvri yon espas ansèyman, refleksyon ak inisyasyon pou moun ki vle antre pi fon nan konesans tèt yo, nan mistè lavi, ak nan dimansyon sakre egzistans lan.

Kou yo pa fèt sèlman pou bay enfòmasyon. Yo fèt pou gide moun nan yon vwayaj enteryè kote lespri, nanm, rasin, memwa zansèt, ak fòs envizib yo vin rankontre. Pedagoji Lekòl MOUN Ayiti chita sou yon apwòch inisyatik ki pran enspirasyon nan gwo tradisyon mistè yo: eritaj sakre ansyen Ejip, sajès Kabal la, tras espirityèl pèp Tayino yo, epi fondasyon mistik ak zansèt Vodou Ayisyen an.

Nan chak ansèyman, objektif la se ede etidyan an pa sèlman aprann, men reveye. Paske lè yon moun kòmanse fouye nan pwofondè pwòp tèt li, li kòmanse dekouvri limyè ki kache anndan li an toutbon vre. Epi se nan limyè sa a li ka rive konprann pi byen relasyon li ak linivè a, ak zansèt yo, ak fòs diven yo, epi ak pwòp misyon li sou tè a.

Antre nan konesans tèt ou. Reveye limyè ki andedan w. Se la chemen mistè yo kòmanse.